കൊച്ചി. ഇൻസൈറ്റ് ദ് ക്രിയേറ്റീവ് ഗ്രൂപ്പിന്റെ 2023 ലെപതിമൂന്നാമത്  അന്താരാഷ്ട്ര ഹൈക്കു അമേച്ചർ ലിറ്റിൽ ഫിലിം (HALF) ഫെസ്റ്റിവലിലേയ്ക്കു മത്സരചിത്രങ്ങൾ ഈ മാസം മുപ്പത്തി ഒന്നിന് മുൻപായി സമർപ്പിക്കണം 

അൻപതിനായിരം രൂപയും, പ്രസിദ്ധ ശില്പി വി  കെ . രാജൻ രൂപകൽപന ചെയ്ത ശിൽപവും,സാക്ഷ്യപത്രവും അടങ്ങുന്ന ഗോൾഡൻ സ്ക്രീൻ അവാർഡ് നൽകുന്ന ഹാഫ് വിഭാഗത്തിൽ അഞ്ചുമിനുട്ടിൽ താഴെ ദൈർഘ്യമുള്ള ചിത്രങ്ങളും  പതിനായിരം രൂപയും, പ്രസിദ്ധ ശില്പി വി .കെ . രാജൻ രൂപ കൽപന ചെയ്ത ശിൽപവും,  സാക്ഷ്യപത്രവും അടങ്ങുന്ന സിൽവർ സ്ക്രീൻ അവാർഡ് നൽകുന്ന മൈന്യൂട്ട് (MINUTE) വിഭാഗത്തിൽ ഒരുമിനുട്ടിൽ  താഴെ ദൈർഘ്യമുള്ള ചിത്രങ്ങളുമാണ്  പതിവുപോലെ മത്സരങ്ങൾക്കായി പരിഗണിക്കുക.  കൂടാതെ അഞ്ചു പേർക്ക് അയ്യായിരം രൂപയും സാക്ഷ്യപത്രവും അടങ്ങുന്ന റണ്ണർ അപ്പ് അവാർഡുകളും ഹാഫ്  വിഭാഗത്തിൽ സമ്മാനിക്കും.

മേളയിൽ പ്രദർശിപ്പിക്കുന്ന മത്സര ചിത്രങ്ങളുടെ വിവരങ്ങൾ ഓഗസ്റ്റ് പത്തിനു പ്രസിദ്ധീകരിക്കും.

അവ പാലക്കാടുവച്ച് സെപ്തംബര് 9  , 10  തിയ്യതികളിലായി പാലക്കാട് ലയൺസ്‌ സ്‌കൂളിൽ വെച്ച് നടക്കുന്ന മേളയിൽ പ്രദർശിപ്പിക്കുകയും പതിവുപോലെ ചലച്ചിത്ര പ്രതിഭകൾ ഉൾപ്പെടുന്ന മൂന്നുപേരടങ്ങുന്ന ജൂറി ഈ ചിത്രങ്ങളെ വിലയിരുത്തി അവാർഡുകൾ തീരുമാനിക്കുകയും തുടർന്ന് സെപ്തംബർ പത്തിനു നടക്കുന്ന സമാപനയോഗത്തിൽ വെച്ച് തന്നെ സമ്മാനങ്ങൾ വിതരണം നടത്തുകയും ചെയ്യും.
ഓരോ ചിത്രവും പ്രദർശിപ്പിച്ചശേഷം കാണികളെയും ചലച്ചിത്രപ്രവർത്തകരെയും ഉൾപ്പെടുത്തി നടത്തുന്ന ഓപ്പൺ ഫോറം ചർച്ചകൾ ഈ മേളയുടെ പ്രത്യേകതയാണ്. മേള യിലേക്കുള്ള പ്രവേശനം സൗജന്യമാണ്.

www.insightthecreativegroup.com എന്ന വെബ്സൈറ്റിലൂടെ ഓൺലൈൻ വഴി ചിത്രങ്ങൾ സമർപ്പിക്കാവുന്നതാണ്.
കൂടുതൽ വിവരങ്ങൾക്ക് 9446000373 / 9496094153  എന്ന നമ്പറുകളിൽ  ബന്ധപ്പെടാവുന്നതാണ്.

കെ. വി. വിൻസെന്റ് ,
ഫെസ്റ്റിവൽ ഡയറക്ടർ