പ്രേക്ഷക ശ്രദ്ധ നേടി പുതിയ ചിത്രം കാക്കപ്പൊന്ന്; ഗാനങ്ങള്‍ നെഞ്ചിലേറ്റി സംഗീത പ്രേമികള്‍.

  1. Home
  2. CINEMA

പ്രേക്ഷക ശ്രദ്ധ നേടി പുതിയ ചിത്രം കാക്കപ്പൊന്ന്; ഗാനങ്ങള്‍ നെഞ്ചിലേറ്റി സംഗീത പ്രേമികള്‍.

പ്രേക്ഷക ശ്രദ്ധ നേടി പുതിയ ചിത്രം കാക്കപ്പൊന്ന്; ഗാനങ്ങള്‍ നെഞ്ചിലേറ്റി സംഗീത പ്രേമികള്‍.


  സാമൂഹ്യ പ്രതിബദ്ധതയുള്ള വേറിട്ട പ്രമേയവും പുതുമയാര്‍ന്ന അവതരണത്താലും പ്രേക്ഷകര്‍ ഏറ്റെടുത്ത  പുതിയ ചിത്രം കാക്കപ്പൊന്നിലെ ഗാനങ്ങളും ശ്രദ്ധേയമാകുന്നു. മലയാളികളുടെ പ്രിയഗായകരായ പി കെ സുനില്‍കുമാര്‍, സിത്താര കൃഷ്ണകുമാര്‍, ശ്രേയ ജയദീപ്, മജിലേഷ്കുമാര്‍ എന്നിവര്‍ ആലപിച്ച ഗാനങ്ങളാണ് ഇപ്പോള്‍ തരംഗമായിട്ടുള്ളത്.'കളമെഴുതുകയായ് ചെമ്മാനമുറ്റം നറുചിരി തൂകി മണ്ണില്‍പ്പൂക്കള്‍...' എന്ന പ്രമുഖ ഗായകൻ പി.കെ  സുനില്‍കുമാര്‍ ആലപിച്ച ഗാനം സംഗീതാസ്വാദകര്‍ നെഞ്ചിലേറ്റിക്കഴിഞ്ഞു.

പ്രേക്ഷക ശ്രദ്ധ നേടി പുതിയ ചിത്രം കാക്കപ്പൊന്ന്; ഗാനങ്ങള്‍ നെഞ്ചിലേറ്റി സംഗീത പ്രേമികള്‍.
കാന്‍ഡില്‍ ലൈറ്റ് മീഡിയയുടെ ബാനറില്‍ ദിനേശ് ഗോപാല്‍ സംവിധാനം ചെയ്ത ചിത്രമാണ് 'കാക്കപ്പൊന്ന്'. ഏറെ പുതുമയുള്ള മൂന്ന് ഗാനങ്ങളാണ് ചിത്രത്തിലുള്ളത്. യുവസംഗീത സംവിധായകന്‍ ഹരികുമാര്‍ ഹരേറാമാണ് ഹൃദയഹാരിയായ ഈ ഗാനങ്ങള്‍ക്ക് സംഗീതം പകര്‍ന്നിട്ടുള്ളത്.

പ്രേക്ഷക ശ്രദ്ധ നേടി പുതിയ ചിത്രം കാക്കപ്പൊന്ന്; ഗാനങ്ങള്‍ നെഞ്ചിലേറ്റി സംഗീത പ്രേമികള്‍.

പ്രഭാകരന്‍ നറുകരയാണ് ഗാനങ്ങളുടെ രചയിതാവ്.   കാക്കപ്പൊന്നിലെ മറ്റു ഗാനങ്ങള്‍ കുടുംബ പ്രേക്ഷകരുടെ പ്രിയകൊച്ചുഗായിക ശ്രേയയുടെയും തെന്നിന്ത്യന്‍ ഗായികയായി തിളങ്ങുന്ന സിത്താരയും യുവഗായകന്‍ മജിലേഷ് കുമാറുമാണ് ആലപിച്ചിട്ടുള്ളത്.
പെണ്‍മക്കളും മാതാപിതാക്കളുമായുള്ള ഹൃദയബന്ധങ്ങളുടെ കഥയാണ് കാക്കപ്പൊന്നിന്‍റെ ഇതിവൃത്തം. വര്‍ത്തമാനകാലത്ത് സമൂഹത്തില്‍ നടന്നുവരുന്ന ഒട്ടേറെ അനീതികളോടുള്ള കലഹം കൂടിയാണ് ഈ ചിത്രം. സമൂഹത്തിലെ സാമ്പത്തികമായ അസന്തുലിതാവസ്ഥ കുടുംബ ബന്ധങ്ങളിലുണ്ടാക്കുന്ന വിളളലുകളും സാമൂഹിക യാഥാര്‍ത്ഥ്യങ്ങളുമാണ് കാക്കപ്പൊന്ന് പ്രേക്ഷകരമായി പങ്കുവെയ്ക്കുന്നതെന്ന് സംവിധായകന്‍ ദിനേശ് ഗോപാല്‍ പറഞ്ഞു. ഫാമിലി എന്‍റര്‍ടെയ്നര്‍ കൂടിയായ ഈ ചിത്രത്തിലെ ഗാനങ്ങളെല്ലാം ഇതിനോടകം വൈറലായിക്കഴിഞ്ഞു. താഹിര്‍ വല്ലപ്പുഴ, രവി വാഴയില്‍ എന്നിവരാണ് കാക്കപ്പൊന്നിന്‍റെ എക്സിക്യൂട്ടീവ് പ്രൊഡ്യൂസേഴ്സ്.

പി ആര്‍ സുമേരന്‍
9446190254