ചെർപ്പുളശ്ശേരി. പുതിയ ബസ്റ്റാന്റ് ഉദ്ഘാടനവും നഗര നവീകരണ പ്രവൃത്തിയും ജൂലൈ 13 ന് തദ്ദേശ സ്വയം ഭരണ വകുപ്പ് മന്ത്രി എം ബി രാജേഷ് നിർവഹിക്കും.
ചെർപ്പുളശ്ശേരി പട്ടണത്തിന്റെ മുഖ ഛായ മാറുന്ന    സ്വപ്ന പദ്ധതിയുടെ നിർമ്മാണത്തിന് ഊരാളുങ്കൽ കോ-ഓപ്പറേറ്റീവ് സൊസൈറ്റിയാണ് കരാർ ഏറ്റെടുത്തിട്ടുള്ളത് . പദ്ധതിക്കായി 28 .17 കോടി രൂപയാണ് സംസ്ഥാന സർക്കാർ നീക്കി വെച്ചത്. ഒന്നര വർഷം കൊണ്ട് ഊരാളുങ്കൽ കോ-ഓപ്പറേറ്റീവ് സൊസൈറ്റി പദ്ധതി പൂർത്തിയാക്കും.നെല്ലായ മുതൽ കച്ചേരിക്കുന്നു വരെ റോഡിൻറെ ഇരുവശവും നവീകരിച്ചു പട്ടണം മികവുറ്റതാക്കും .പാർക്കിംഗ് സൗകര്യങ്ങളും, നടപ്പാതയും, കൈവരികളും, നാലു വരി പാതയും ചെർപ്പുളശ്ശേരി നഗരത്തെ സുന്ദരിയാക്കും 
ഇതിനോടകം തന്നെ പ്രാരംഭ സർവേ നടപടികൾ അന്തിമ ഘട്ടത്തിലെത്തി കഴിഞ്ഞു . നിലവിലെ ബസ് സ്റ്റാന്റ് കൂടാതെ പുത്തനാൽക്കൽ ക്ഷേത്ര പരിസരത്ത് പുതിയ ബസ്റ്റാന്റ് ജൂലൈ 13 ന് ഉദ്ഘാടനം ചെയ്യുന്നതോടെ നഗരത്തിലെ ഇപ്പോൾ ഉള്ള തിരക്കിന്നു ശമനമാവും.

2010 ൽ ഗ്രാമപഞ്ചായത്ത് ആയിരുന്നപ്പോൾ എൽഡിഎഫ് ഭരണസമിതി അധികാരത്തിലേറി ഗ്രാമപഞ്ചായത്ത് പ്രസിഡണ്ട് കെ.സുരേഷിന്റെ  നേതൃത്വത്തിൽ   ചെർപ്പുളശ്ശേരിയിലൊരു  പുതിയ ബസ് സ്റ്റാൻഡ് വേണമെന്ന് നിർദ്ദേശം എൽ ഡി എഫ് മുന്നോട്ടു വെച്ചു . 2015ൽ പുത്തനാൽക്കാവ് മൈതാനത്തിനടുത്തു സ്ഥലം കണ്ടെത്തി ആ പദ്ധതിക്ക് അന്നത്തെ എംപി യായിരുന്ന എംബി രാജേഷ് തറക്കല്ലിടുകയും ചെയ്തു.
പി കെ ശശി എം എൽ എ ആയിരുന്ന സമയത്താണ് ചെർപ്പുളശ്ശേരി നഗര നവീകരണം എന്ന ആശയം നടപ്പാക്കുകയും, ബജറ്റിൽ തുക അനുവദിക്കുകയും ചെയ്തത്. പിന്നീട് വന്ന പി മമ്മിക്കുട്ടി എം എൽ എ മുൻ കൈ എടുക്കുകയും 28.17 കോടി രൂപ സർക്കാർ പാസ്സാക്കി ഊരാളുങ്കൽ സോസൈറ്റി വർക്ക് ഏറ്റെടുക്കുകയും ചെയ്തു. തൂത, മുണ്ടുർ നാലുവരി പാത, കുടിവെള്ള പദ്ധതി എന്നിവ കൂടി കമ്മീഷൻ ചെയ്യുന്നതോടെ ചെർപ്പുളശ്ശേരി നഗരം ഒരു വൻ പുരോഗതിക്ക് സാക്ഷ്യം വഹിക്കും.