\u0D2E\u0D4B\u0D28\u0D4D‍\u0D38\u0D23\u0D4D‍ \u0D2E\u0D3E\u0D35\u0D41\u0D19\u0D4D\u0D15\u0D32\u0D3F\u0D28\u0D4D\u0D31\u0D46 \u0D24\u0D1F\u0D4D\u0D1F\u0D3F\u0D2A\u0D4D\u0D2A\u0D4D \u0D15\u0D47\u0D38\u0D4D; \u0D05\u0D28\u0D3F\u0D24 \u0D2A\u0D41\u0D32\u0D4D\u0D32\u0D2F\u0D3F\u0D32\u0D3F\u0D28\u0D46 \u0D15\u0D4D\u0D30\u0D48\u0D02\u0D2C\u0D4D\u0D30\u0D3E\u0D1E\u0D4D\u0D1A\u0D4D \u0D35\u0D3F\u0D33\u0D3F\u0D1A\u0D4D\u0D1A\u0D41\u0D35\u0D30\u0D41\u0D24\u0D4D\u0D24\u0D41\u0D02

  1. Home
  2. CRIME

മോന്‍സണ്‍ മാവുങ്കലിന്റെ തട്ടിപ്പ് കേസ്; അനിത പുല്ലയിലിനെ ക്രൈംബ്രാഞ്ച് വിളിച്ചുവരുത്തും

തിരുവനന്തപുരം


തിരുവനന്തപുരം :പുരാവസ്തുക്കളുടെ മറവില്‍ സാമ്പത്തിക തട്ടിപ്പ് നടത്തിയ കേസില്‍ മോന്‍സണ്‍ മാവുങ്കലിനെതിരെ ക്രൈം ബ്രാഞ്ച് അന്വേഷണം പുരോഗമിക്കുന്നതിനിടെ, പ്രവാസി വനിതയായ അനിത പുല്ലയിലിനെ ക്രൈംബ്രാഞ്ച് ഉടന്‍ വിളിപ്പിക്കും. മോന്‍സണുമായി ബന്ധപ്പെട്ടുള്ള നിര്‍ണായക വിവരങ്ങള്‍ അനിത നേരത്തേ അന്വേഷണ സംഘത്തിന് കൈമാറിയിരുന്നു. മലയാളി ഫെഡറേഷന്‍ രക്ഷാധികാരിയെന്ന നിലയില്‍ നിരവധി പ്രമുഖ പ്രവാസികളുമായി മോന്‍സണ് അടുപ്പമുണ്ടായിരുന്നു. മോന്‍സണുമായി അടുത്ത സൗഹൃദമുണ്ടായിരുന്നുവെന്നും മോന്‍സണ്‍ തട്ടിപ്പുകാരനാണെന്ന് മനസിലായപ്പോഴാണ് താന്‍ ഇയാളുമായുള്ള ബന്ധം അവസാനിപ്പിച്ചതെന്നും അനിത നേരത്തേ മാധ്യമങ്ങളോട് വെളിപ്പെടുത്തിയിരുന്നു. മുന്‍ ഡിജിപി ലോക്നാഥ് ബെഹ്റയ്ക്ക് മോന്‍സണെ പരിചയപ്പെടുത്തിയത് താനാണെന്നും അനിത പറഞ്ഞിരുന്നു. ബെഹ്റയെ മോന്‍സന്റെ മ്യൂസിയം സന്ദര്‍ശിക്കാന്‍ ക്ഷണിച്ചതും അനിതയായിരുന്നു. നിരവധി പ്രമുഖരെ മോന്‍സന് പരിചയപ്പെടുത്തിയത് അനിതയാണെന്നാണ് പുറത്തു വരുന്ന വിവരം. ഇതേക്കുറിച്ചുള്ള അന്വേഷണത്തിന്റെ ഭാഗമായാണ് അനിതയെ വിളിച്ചു വരുത്താന്‍ അന്വേഷണസംഘം തീരുമാനിച്ചിരിക്കുന്നത്. തൃശൂര്‍ മാള സ്വദേശിയായ അനിത കഴിഞ്ഞ 23 വര്‍ഷമായി ഇറ്റലിയിലാണ് താമസിക്കുന്നത്. പ്രവാസി മലയാളി ഫെഡറേഷന്‍ (പിഎംഎഫ്) ഗ്ലോബല്‍ വനിത കോ-ഓര്‍ഡിനേറ്ററും, ലോക കേരള സഭാ അംഗവുമാണ് അനിത.