ചെർപ്പുളശ്ശേരി   :  ചെർപ്പുളശ്ശേരി   പോലീസും ജില്ലാ ലഹരി വിരുദ്ധ സ്ക്വാഡും നടത്തിയ പരിശോധനയിൽ  തെങ്ങുംവളപ്പ്  എന്ന സ്ഥലത്ത് വെച്ച്   102 ഗ്രാം  MDMA യുമായി   മുഹമ്മദ് അനീഷ് , വയസ്സ് 25, S/O അക്ബർ , കൊടക്കാടൻ വീട്,  കുറുവട്ടൂർ , വല്ലപ്പുഴ.പി.ഒ, പാലക്കാട്,   മണികണ്ഠൻ, വയസ്സ് 30, S/O അയ്യപ്പൻ, ചെട്ടിയാർകുഴി, കുഞ്ഞുകുഴി , കുറുവട്ടൂർ, പാലക്കാട്  
എന്നിവരാണ് പിടിയിലായത്. പ്രതികൾ ലഹരി മരുന്നുമായി സഞ്ചരിച്ച സ്വിഫ്റ്റ് കാർ പോലീസ് പിടിച്ചെടുത്തു. പാലക്കാട് ജില്ലാ പോലിസ് പിടികൂടിയ വലിയ കേസുകളിലൊന്നാണിത്.  ബാംഗ്ലൂരിൽ നിന്നാണ് പ്രതികൾ ലഹരിമരുന്ന്  എത്തിച്ചത്.  ചെർപ്പുളശ്ശേരി , പട്ടാമ്പി ഭാഗത്തെ  ലഹരി വില്പന സംഘത്തിലെ മുഖ്യ കണ്ണികളാണ് പ്രതികൾ . ലഹരിമരുന്നിൻ്റെ ഉറവിടത്തെക്കുറിച്ചും പ്രതി ഉൾപ്പെട്ട ലഹരി വില്പന ശൃംഖലയെക്കുറിച്ചും പോലീസ് അന്വേഷണം ഊർജ്ജിതമാക്കി. .

        പാലക്കാട് ജില്ലാ പോലീസ് മേധാവി ആർ. ആനന്ദ്   IPS ൻ്റെ നിർദ്ദേശപ്രകാരം മണ്ണാർക്കാട് ഡി.വൈ.എസ്.പി കൃഷ്ണദാസ് .വി .എ,   പാലക്കാട്  നാർക്കോട്ടിക് സെൽ ഡി.വൈ.എസ്.പി ആർ.മനോജ് കുമാർ,   എന്നിവരുടെ നേത്യത്വത്തിൽ എസ് എച്ച് ഒ ശശികുമാർ, സബ്ബ്  ഇൻസ്‌പെക്ടർ  പ്രമോദ് .ബി ,  എ.എസ്.ഐ .ഉണ്ണികൃഷ്ണൻ,  സിവിൽ പോലീസ് ഓഫീസർ സുജിത്ത്, ഹോം ഗാർഡ് രമേഷ്         
എന്നിവരുടെ നേതൃത്വത്തിലുള്ള ചെർപ്പുളശ്ശേരി  പോലീസും ,    ജില്ലാ ലഹരി വിരുദ്ധ  സ്ക്വാഡും  ചേർന്നാണ് പരിശോധന നടത്തി ലഹരിമരുന്നും പ്രതികളേയും പിടികൂടിയത്.