ചെർപ്പുളശ്ശേരി.മാരായമംഗലം കറോച്ചിക്കാവ് വന ദുർഗാ ദേവീ ക്ഷേത്രത്തിൽ വർഷംതോറും നടത്തി വരാറുള്ള തുലാമാസ നിവേദ്യമായ കറോച്ചി പൊങ്കാലയും വിശേഷാൽ താന്ത്രിക പൂജയും പൂമൂടലും  തന്ത്രി  അകത്തേകുന്നത്ത് മനക്കൽ കൃഷ്ണൻ നമ്പൂതിരിപ്പാടിന്റെ കാർമ്മികത്വത്തിൽ  നടത്തി. 
 സോപാന സംഗീത ഗായകനായ മുളയങ്കാവ് എൻ പി രാമദാസൻ  അവതരിപ്പിച്ച അഷ്ടപദിയും ഉണ്ടായിരുന്നു. 
ക്ഷേത്രകമ്മിറ്റിക്കു വേണ്ടി തന്ത്രി അകത്തേകുന്നത്ത് മന കൃഷ്ണൻ നമ്പൂതിരിപ്പാട് സോപാന സംഗീതജ്ഞനായ എൻ പി രാമദാസനെ ആദരിച്ചു.
നൂറുകണക്കിന് ഭക്തജനങ്ങൾ പൊങ്കാല സമർപ്പണത്തിൽ പങ്കാളികളായി.