\u0D2D\u0D42\u0D2E\u0D3F\u0D15\u0D4D\u0D15\u0D4D \u0D24\u0D4A\u0D1F\u0D4D\u0D1F\u0D30\u0D3F\u0D15\u0D3F\u0D32\u0D42\u0D1F\u0D46\u0D2F\u0D41\u0D33\u0D4D\u0D33 \u0D2F\u0D3E\u0D24\u0D4D\u0D30\u0D2F\u0D4D‌\u0D15\u0D4D\u0D15\u0D4A\u0D30\u0D41\u0D19\u0D4D\u0D19\u0D3F \u0D2D\u0D40\u0D2E\u0D28\u0D4D‍ \u0D1B\u0D3F\u0D28\u0D4D\u0D28\u0D17\u0D4D\u0D30\u0D39\u0D02

  1. Home
  2. INTERNATIONAL

ഭൂമിക്ക് തൊട്ടരികിലൂടെയുള്ള യാത്രയ്‌ക്കൊരുങ്ങി ഭീമന്‍ ഛിന്നഗ്രഹം

The giant asteroid is coming; Going right next to the earth


ഭൂമിയെ ലക്ഷ്യമാക്കി ചീറിപ്പാഞ്ഞ് വരികയാണ് (7482) 1994 PC1 എന്ന ഭീമന്‍ ഛിന്നഗ്രഹം . 2022 ജനുവരി 18ന് ഭൂമിയുടെ സമീപത്ത് കൂടി കടന്നുപോകാന്‍ ഒരുങ്ങുകയാണീ (7482) 1994 PC1 ഛിന്നഗ്രഹം . വളരെ കാലമായി വാനനിരീക്ഷകര്‍ ഈ ഛിന്നഗ്രഹത്തെ പഠിക്കുന്നു ഏകദേശം തൊട്ടടുത്തുകൂടി തന്നെയാണ് യാത്രയെങ്കിലും നിലവില്‍ ഇതിന്റെ സഞ്ചാരപാത ഭൂമിക്ക് കാര്യമായി ഭീഷണിയാകുന്ന തരത്തിലല്ല.

ഭൂമിയില്‍ നിന്ന് 1.93 മില്യണ്‍ കിലോമീറ്റര്‍ വരെ ദൂരെക്കൂടി ആയിരിക്കും ഛിന്നഗ്രഹം കടന്നുപോകുക. അതായത് ഭൂമിയില്‍ നിന്ന് ചന്ദ്രനിലേക്കുള്ള ദൂരത്തിന്റെ 5 മടങ്ങില്‍ കൂടുതല്‍ ദൂരെ. കാലാവസ്ഥ അനുകൂലമാണെങ്കില്‍ ഒരു നല്ല ടെലിസ്‌കോപ്പ് ഉപയോഗിച്ച് അമേച്വര്‍ ആസ്‌ട്രോണമര്‍മാര്‍ക്കും ഛിന്നഗ്രഹത്തെ കാണാന്‍ പറ്റുമെന്നാണ് റിപ്പോര്‍ട്ട്.

1994 മുതല്‍ മനുഷ്യന്റെ നോട്ടപ്പുള്ളിയായതുകൊണ്ടാണ് ഈ ഛിന്നഗ്രഹത്തിന് പേരിനൊപ്പം 1994 എന്നുള്ളത്. പൊട്ടന്‍ഷ്യലി ഹസാര്‍ഡസ് വിഭാഗത്തിലാണ് നിരീക്ഷകര്‍ ഛിന്നഗ്രഹത്തെ പെടുത്തിയിരിക്കുന്നത്. 3,280 അടി വ്യാസമുള്ള ഛിന്നഗ്രഹം എമ്പയര്‍ സ്റ്റേറ്റ് ബില്‍ഡിംഗിനെക്കാള്‍ രണ്ടര ഇരട്ടി വലുതാണ്. അതായത് തല്‍ക്കാലം വലിയ ഭീഷണിയല്ലെങ്കിലും എന്നെങ്കിലും നമ്മുക്ക് ആശങ്കയാവാന്‍ സാധ്യതയുണ്ട്.