അതേസമയം, ധ്യാനവര്‍ഗങ്ങളുടെ ജിഎസ്ടിയില്‍ വ്യക്തത വേണമെന്ന് സംസ്ഥാന ധനവകുപ്പ് ജിഎസ്ടി കൗണ്‍സിലിനോട് ആവശ്യപ്പെട്ടു. വ്യാപാരികള്‍ക്കും ജനങ്ങള്‍ക്കും പുതുക്കിയ ഭേദഗതിയില്‍ ആശയക്കുഴപ്പമാണെന്ന് സംസ്ഥാനം കേന്ദ്രത്തെ അറിയിച്ചിട്ടുണ്ട്. 

ജൂലൈ 18 മുതലാണ് രാജ്യത്തൊട്ടാകെ അരിയും ഗോതമ്പിനടക്കം എല്ലാ ധാന്യവര്‍ഗങ്ങള്‍ക്കും 5% ജിഎസ്ടി നടപ്പിലാക്കുന്നത്. ജിഎസ്ടി കൗണ്‍സിലിന്റെ തീരുമാനം അനുസരിച്ച് ഇതുവരെ 25 കിലോയില്‍ താഴെയുള്ള പാക്കറ്റില്‍ വില്‍ക്കുന്ന ബ്രാന്‍ഡഡ് അരിക്കും മറ്റും മാത്രമായിരുന്നു ജിഎസ്ടി ഈടാക്കിയത്. എന്നാല്‍ ഭേദഗതി ചെയ്ത നിയമം അനുസരിച്ച് 25 കിലോയെന്ന പരിധി കേന്ദ്രം എടുത്തു കളഞ്ഞു. ഇതോടെ ചില്ലറയായി തൂക്കി വില്‍ക്കുന്ന ബ്രാന്‍ഡഡ് അല്ലാത്ത ഭക്ഷ്യഉത്പന്നങ്ങള്‍ക്കും നികുതി ബാധകമായി.