\u0D28\u0D1F\u0D3F\u0D2F\u0D46 \u0D06\u0D15\u0D4D\u0D30\u0D2E\u0D3F\u0D1A\u0D4D\u0D1A \u0D15\u0D47\u0D38\u0D4D; \u0D26\u0D3F\u0D32\u0D40\u0D2A\u0D3F\u0D28\u0D4D‍\u0D31\u0D46 \u0D35\u0D40\u0D1F\u0D4D\u0D1F\u0D3F\u0D32\u0D4D‍ \u0D2A\u0D4A\u0D32\u0D40\u0D38\u0D4D \u0D2A\u0D30\u0D3F\u0D36\u0D4B\u0D27\u0D28

  1. Home
  2. KERALA NEWS

നടിയെ ആക്രമിച്ച കേസ്; ദിലീപിന്‍റെ വീട്ടില്‍ പൊലീസ് പരിശോധന

DILEEP


കൊച്ചി: നടിയെ ആക്രമിച്ച കേസുമായി ബന്ധപ്പെട്ട പുതിയ ഗൂഢാലോചന കേസിൽ അന്വേഷണം പുരോഗമിക്കുന്നതിനിടെ നടൻ ദിലീപിന്റെ  ആലുവയിലെ  വീട്ടിൽ പൊലീസ് പരിശോധന. നടിയെ ആക്രമിച്ച കേസിലെ തെളിവുകള്‍ തേടിയാണ് പരിശോധന. 

പന്ത്രണ്ട് മണിയോടെയാണ് 20 അംഗ ക്രൈംബ്രാഞ്ച് സംഘം ആലുവയിലെ പത്മസരോവരം എന്ന ദിലീപിന്റെ വീട്ടിലെത്തിയത്. നടിയെ ആക്രമിച്ച സംഭവത്തിലെ ദൃശ്യങ്ങള്‍ ദിലീപിന്റെ പക്കലുണ്ടെന്ന് സംവിധായകന്‍ ബാലചന്ദ്ര കുമാര്‍ മൊഴി നല്‍കിയിരുന്നു. ഇതിന്റെ കൂടി പശ്ചാത്തലത്തിലാണ് പൊലീസ് പരിശോധനയെന്നാണ് സൂചന.

ദിലീപിന്റെ ആലുവയിലെ വീട്ടിലും നിർമാണ കമ്പനി ഗ്രാൻഡ് പ്രൊഡക്ഷൻസ് ഓഫീസിലും സഹോദരൻ അനൂപിന്റെ വീട്ടിലുമാണ് റെയ്ഡ് നടക്കുന്നത്. കേസുമായി ബന്ധപ്പെട്ട് ഏറ്റവും പ്രധാനപ്പെട്ട ഒരു സ്ഥലമാണ് ദിലീപിന്റെ വീട്. നടിയെ ആക്രമിച്ച ദൃശ്യങ്ങള്‍ ദിലീപ് കണ്ടതും വി.ഐ.പി എന്ന് പറയുന്ന ആള്‍ എത്തിയെന്ന് പറഞ്ഞതും ഈ വീട്ടിലായിരുന്നു.

വെള്ളിയാഴ്ച വരെ ദിലീപിനെ അറസ്റ്റ് ചെയ്യരുതെന്ന് കഴിഞ്ഞ ദിവസം ഹൈക്കോടതി വാക്കാല്‍ നിര്‍ദേശിച്ചിരുന്നു.