ഒറ്റപ്പാലം.. സർക്കാർ സേവനങ്ങൾ ജനങ്ങളുടെ അവകാശമാണെന്നും കാലതാമസമില്ലാതെ സേവനങ്ങൾ ജനങ്ങൾക്ക് ലഭ്യമാക്കണമെന്ന ന്യായമായ ആവശ്യമാണ് പരാതി പരിഹാര അദാലത്തിൻ്റെ ലക്ഷ്യമെന്നും തദ്ദേശസ്വയംഭരണ- എക്സൈസ് വകുപ്പ് മന്ത്രി എം.ബി രാജേഷ്. മനിശ്ശേരി കെ.എം ഓഡിറ്റോറിയത്തിൽ നടന്ന ' കരുതലും കൈതാങ്ങും' ഒറ്റപ്പാലം താലൂക്ക്തല പരാതി പരിഹാര അദാലത്ത് ഉദ്ഘാടനം ചെയ്ത് കൊണ്ട് പറഞ്ഞു.  ജനങ്ങൾക്ക് നിയമപരമായി ഉചിതമായ തീർപ്പ് ഉണ്ടാക്കണം. നടപടിക്രമങ്ങളുടെയുടെയും സാങ്കേതികത്വത്തിന്റെയും കുരുക്കിൽപ്പെട്ട പരാതികൾ കൃത്യമായി പരിശോധിച്ച് കാര്യക്ഷമമായി തീർപ്പാക്കും. സർക്കാർ സംവിധാനങ്ങൾ നേരിട്ട് ജനങ്ങളിലേക്കെത്തുകയാണെന്നും  മന്ത്രി പറഞ്ഞു. നീതി നിഷേധിക്കപ്പെട്ടവർക്ക് സമാനതകളില്ലാതെ സമയബന്ധിതമായി പരിഹാരം കാണുകയാണ് പരാതി പരിഹാര അദാലത്തുകളിലൂടെ എന്നും  മന്ത്രി കൂട്ടിച്ചേർത്തു. മുൻഗണനാ വിഭാഗത്തിലേക്ക് മാറ്റിയ 26 പേരുടെ റേഷൻ കാർഡുകൾ വേദിയിൽ ഇരു മന്ത്രിമാര്യം കൈമാറി.

അദാലത്തിൽ പരിഗണിക്കുന്ന വിഷയങ്ങൾ അധ്യക്ഷൻ വൈദ്യുതി വകുപ്പ് മന്ത്രി കെ.കൃഷ്ണൻകുട്ടി പരിപാടിയിൽ പ്രതിപാദിച്ചു. പ്രതിപാദിച്ച വിഷയങ്ങൾക്ക് പുറമെയുള്ളവ ആവശ്യമെങ്കിൽ പരിഗണിക്കുമെന്നും മന്ത്രി കെ.കൃഷ്ണൻകുട്ടി പറഞ്ഞു എം.എൽ.എമാരായ പ്രേംകുമാർ,  മമ്മിക്കുട്ടി, ഒറ്റപ്പാലം, ശ്രീകൃഷ്ണപുരം,  ബ്ലോക്ക് പഞ്ചായത്ത് പ്രസിഡന്റുമാരായ ശോഭന രാജേന്ദ്രപ്രസാദ്, സുനിത ജോസഫ്, ഒറ്റപ്പാലം നഗരസഭ ചെയർപേഴ്സൺ കെ. ജാനകിദേവി, ഷൊർണ്ണൂർ, ചെർപ്പുളശ്ശേരി നഗരസഭ ചെയർമാൻമാരായ എം.കെ ജയപ്രകാശ്, പി. രാമചന്ദ്രൻ, വാണിയംകുളം, അമ്പലപ്പാറ, അനങ്ങനടി, ലക്കിടി പേരൂർ,  കരിമ്പുഴ, കടമ്പഴിപ്പുറം, നെല്ലായ, ശ്രീകൃഷ്ണപുരം, തൃക്കടീരി, വെള്ളിനേഴി, പൂക്കോട്ട്കാവ് ഗ്രാമപഞ്ചായത്ത് പ്രസിഡന്റുമാരായ കെ. ഗംഗാധരൻ, പി. വിജയലക്ഷ്മി, പി. ചന്ദ്രൻ, കെ. സുരേഷ്, ഇ. ഉമ്മർ കുന്നത്ത്, ശാസ്തകുമാർ, കെ. അജേഷ്, സി. രാധിക, എ.പി ലതിക, കെ. ജയലക്ഷ്മി, പി. ജയശ്രീ, ജില്ലാ കലക്ടർ ഡോ. എസ്. ചിത്ര, ഒറ്റപ്പാലം സബ് കലക്ടർ ഡി. ധർമ്മലശ്രീ, അസിസ്റ്റന്റ് കലക്ടർ ഡി. രഞ്‌ജിത്ത്, എ.ഡി.എം കെ. മണികണ്ഠൻ,  ഉദ്യോഗസ്ഥർ എന്നിവർ പങ്കെടുത്തു.