\u0D30\u0D3E\u0D1C\u0D4D\u0D2F\u0D24\u0D4D\u0D24\u0D46 \u0D35\u0D3F\u0D2E\u0D3E\u0D28\u0D19\u0D4D\u0D19\u0D33\u0D3F\u0D7D \u0D07\u0D28\u0D4D\u0D24\u0D4D\u0D2F\u0D7B \u0D38\u0D02\u0D17\u0D40\u0D24\u0D02 \u0D2E\u0D24\u0D3F; \u0D38\u0D3F\u0D35\u0D3F\u0D7D \u0D35\u0D4D\u0D2F\u0D47\u0D3E\u0D2E\u0D2F\u0D3E\u0D28 \u0D2E\u0D28\u0D4D\u0D24\u0D4D\u0D30\u0D3E\u0D32\u0D2F\u0D02.

  1. Home
  2. KERALA NEWS

രാജ്യത്തെ വിമാനങ്ങളിൽ ഇന്ത്യൻ സംഗീതം മതി; സിവിൽ വ്യോമയാന മന്ത്രാലയം.

രാജ്യത്തെ  വിമാനങ്ങളിൽ  ഇന്ത്യൻ സംഗീതം മതി; സിവിൽ വ്യോമയാന മന്ത്രാലയം.


ന്യൂഡൽഹി: രാജ്യത്തെ വിമാനത്താവളങ്ങളിലും വിമാനങ്ങളിലും ഇന്ത്യൻ സംഗീതം മതിയെന്ന ഉത്തരവുമായി സിവിൽ വ്യോമയാന മന്ത്രാലയം. ഇന്ത്യൻ കൗൺസിൽ ഓഫ് കൾച്ചറൽ റിസർച്ചിന്റെ നിർദേശപ്രകാരമാണ് മന്ത്രാലയത്തിന്റെ നടപടി. ഇന്ത്യയ്ക്ക് സമ്പന്നമായ സംഗീത പാരമ്പര്യമുണ്ടെന്നും അത് മത-സാമൂഹ്യ ജീവിതത്തിന്റെ അവിഭാജ്യ ഘടകമാണ് എന്നും വ്യോമയാന മന്ത്രാലയം പറയുന്നു.

'ലോകത്തെ മിക്ക വിമാനക്കമ്പനികളും അവരുടെ ദേശത്തിന്റെ സംഗീതമാണ് വിമാനങ്ങളിൽ ഉപയോഗിക്കുന്നത്. ഉദാഹരണത്തിന്, അമേരിക്കൻ വിമാനക്കമ്പനികൾ ജാസ് ഉപയോഗിക്കുന്നു. ഓസ്ട്രിയൻ എയർലൈൻസിൽ മൊസാർട്ടും മധ്യേഷ്യൻ എയർലൈൻസുകളിൽ അറബ് സംഗീതവുമാണ് പ്ലേ ചെയ്യുന്നത്. എന്നാൽ സമ്പന്നമായ പാരമ്പര്യവും പൈതൃകവും ഉണ്ടായിട്ടും ഇന്ത്യൻ വിമാനക്കമ്പനികൾ ദേശത്തിന്റെ സംഗീതം പ്ലേ ചെയ്യുന്നില്ല.' - സിവിൽ വ്യോമയാന മന്ത്രാലയം മേധാവി അരുൺ കുമാറിന് അയച്ച കത്തിൽ വ്യോമയാന മന്ത്രാലയം ജോയിന്റ് സെക്രട്ടറി ഉഷ പാഠി ഐഎഎസ് ചൂണ്ടിക്കാട്ടി.