\u0D15\u0D41\u0D1E\u0D4D\u0D1E\u0D4D \u0D05\u0D28\u0D41\u0D2A\u0D2E\u0D2F\u0D41\u0D1F\u0D47\u0D24\u0D41\u0D24\u0D28\u0D4D\u0D28\u0D46; \u0D21\u0D3F\u0D0E\u0D28\u0D4D‍\u0D0E \u0D2A\u0D30\u0D3F\u0D36\u0D4B\u0D27\u0D28\u0D3E \u0D2B\u0D32\u0D02 \u0D32\u0D2D\u0D3F\u0D1A\u0D4D\u0D1A\u0D41.

  1. Home
  2. KERALA NEWS

കുഞ്ഞ് അനുപമയുടേതുതന്നെ; ഡിഎന്‍എ പരിശോധനാ ഫലം ലഭിച്ചു.

കുഞ്ഞ് അനുപമയുടേതുതന്നെ; ഡിഎന്‍എ പരിശോധനാ ഫലം ലഭിച്ചു.


തിരുവനന്തപുരം: അനധികൃത ദത്ത് വിവാദത്തില്‍ ഡിഎന്‍എ പരിശോധനാ ഫലം പുറത്തുവിട്ടു. പരിശോധനയില്‍ കുഞ്ഞ് അനുമപയുടെയും അജിത്തിന്റേയും തന്നെയാണെന്ന് തെളിഞ്ഞു. രാജീവ് ഗാന്ധി സെന്റര്‍ ഫോര്‍ ബയോടെക്നോളജിയില്‍ നടത്തിയ പരിശോധനയിലാണ് ഫലം ലഭിച്ചത്. മൂന്ന് തവണ ഡിഎന്‍എ സാമ്പിള്‍ ക്രോസ് മാച്ച് ചെയ്തപ്പോഴും മാതാവ് അനുപമയും പിതാവ് അജിത്തുമാണെന്ന് തന്നെയാണ് ഫലം ലഭ്യമായത്. ഡിഎന്‍എ പരിശോധനാ ഫലം സിഡബ്ല്യുസിക്ക് കൈമാറിയിട്ടുണ്ട്. ഈ റിപ്പോര്‍ട്ട് സിഡബ്ല്യുസി കോടതിയില്‍ സമര്‍പ്പിക്കും.

സി.ഡബ്ല്യു.സി. ഉത്തരവിന്റെ അടിസ്ഥാനത്തില്‍ കുഞ്ഞിനെ ഞായറാഴ്ച രാത്രിയാണ് ആന്ധ്രയില്‍നിന്നും തിരുവനന്തപുരത്തെത്തിച്ചത്. കേരളത്തിലെത്തിച്ച കുഞ്ഞിന്റെ ജനിതക സാംപിളുകള്‍ പരിശോധനയ്ക്കായി രാജീവ് ഗാന്ധി ഇന്‍സ്റ്റിറ്റ്യൂട്ട് ഓഫ് ബയോടെക്നോളജിയില്‍നിന്നുള്ള വിദഗ്ധരാണ് ഇന്നലെ കുഞ്ഞിനെ താമസിപ്പിച്ചിരുന്ന നിര്‍മല ശിശുഭവനിലെത്തി സാമ്പിളെടുത്തത്. തുടർന്ന് ഉച്ചയ്ക്കുശേഷം അനുപമയും അജിത്തും ഇന്‍സ്റ്റിറ്റ്യൂട്ടിലെത്തി സാംപിളുകള്‍ നൽകുകയായിരുന്നു.  ഫലം വന്നതോടെ വല്ലാത്ത ആശ്വാസമുണ്ടെന്നും, കുഞ്ഞിനെ കൈയ്യിലേക്ക് ലഭിക്കുന്ന നിമിഷത്തിനായി കാത്തിരിക്കുകയാണ് എന്നും അനുപമ മാധ്യമ പ്രവർത്തകരോട് പറഞ്ഞു.