ചെർപ്പുളശ്ശേരി. അടയ്ക്കാപുത്തൂർ ശബരി പി.ടി.ബി. സ്മാരക ഹയർ സെക്കണ്ടറി സ്കൂളിൽ പത്താം ക്ലാസ് പരീക്ഷയെഴുതിയവർക്കായി " ടേണിംഗ് പോയന്റ്" എന്ന പേരിൽ കരിയർ ഗൈഡൻസ് പരിശീലനം നടത്തി. ജോലി സാധ്യതയുള്ള കോഴ്സുകൾ ഏതെല്ലാമാണെന്നും ഏകജാലക സംവിധാനം, എൻട്രൻസ് പരീക്ഷകൾ എന്നിവകളെപ്പറ്റിയും വിദ്യാർത്ഥികളിൽ അവബോധം വളർത്താൻ പരിശീലന പരിപാടി ഗുണകരമായി.
വിജയശ്രീ കോ-ഓർഡിനേറ്റർ ഡോ.കെ. അജിത് അധ്യക്ഷത വഹിച്ചു. പി.ടി.എ. പ്രസിഡന്റ് സി.രാമചന്ദ്രൻ ഉദ്ഘാടനം ചെയ്തു. പ്രിൻസിപ്പൽ ടി. ഹരിദാസൻ ക്ലാസ് നയിച്ചു. ഷൈനി , എം.ആർ മൃദുല, എന്നിവർ സംസാരിച്ചു.