50 \u0D32\u0D15\u0D4D\u0D37\u0D24\u0D4D\u0D24\u0D3F\u0D28\u0D4D‍\u0D31\u0D46 \u0D15\u0D4D\u0D30\u0D37\u0D30\u0D4D‍ \u0D24\u0D1F\u0D4D\u0D1F\u0D3F\u0D2A\u0D4D\u0D2A\u0D4D; \u0D2A\u0D3F \u0D35\u0D3F \u0D05\u0D28\u0D4D‍\u0D35\u0D30\u0D4D‍ \u0D0E\u0D02\u0D0E\u0D32\u0D4D‍\u0D0E\u0D15\u0D4D\u0D15\u0D46\u0D24\u0D3F\u0D30\u0D46 \u0D15\u0D4D\u0D30\u0D48\u0D02\u0D2C\u0D4D\u0D30\u0D3E\u0D1E\u0D4D\u0D1A\u0D4D \u0D05\u0D28\u0D4D\u0D35\u0D47\u0D37\u0D23 \u0D31\u0D3F\u0D2A\u0D4D\u0D2A\u0D4B\u0D30\u0D4D‍\u0D1F\u0D4D\u0D1F\u0D4D.

  1. Home
  2. MORE NEWS

50 ലക്ഷത്തിന്‍റെ ക്രഷര്‍ തട്ടിപ്പ്; പി വി അന്‍വര്‍ എംഎല്‍എക്കെതിരെ ക്രൈംബ്രാഞ്ച് അന്വേഷണ റിപ്പോര്‍ട്ട്.

പി വി അന്‍വര്‍

അന്വേഷണ ഉദ്യോഗസ്ഥനായ മലപ്പുറം ക്രൈം ബ്രാഞ്ച് ഡി.വൈ.എസ്.പി പി. വിക്രമന്‍ സമര്‍പ്പിച്ച റിപ്പോര്‍ട്ടിലാണ് സുപ്രധാനവെളിപ്പെടുത്തല്‍. 


മഞ്ചേരി:  കര്‍ണാടകയില്‍ ക്രഷര്‍ ബിസിനസില്‍ പങ്കാളിത്തം വാഗ്ദാനം ചെയ്ത് പ്രവാസി എന്‍ജിനീയറുടെ 50 ലക്ഷം തട്ടിയ കേസില്‍ പി വി അന്‍വര്‍ എംഎല്‍എ പ്രഥമദൃഷ്ട്യാ വഞ്ചന നടത്തിയതായാണ് ക്രൈം ബ്രാഞ്ച് ഡിവൈഎസ്പിയുടെ ഇടക്കാല അന്വേഷണ റിപ്പോര്‍ട്ടില്‍ പറയുന്നത്. ക്രഷറും ഇതോടൊപ്പമുള്ള 26 ഏക്കര്‍ ഭൂമിയും  സ്വന്തം ഉടമസ്ഥതയിലാണെന്നും ക്രയവിക്രയ അവകാശമുണ്ടെന്നും പറഞ്ഞ്  പി വി അന്‍വര്‍ പ്രവാസി എന്‍ജിനീയരായ  മലപ്പുറം പട്ടര്‍ക്കടവ് സ്വദേശി നടുത്തൊടി സലീമില്‍ നിന്നും 10 ശതമാനം ഷെയറും മാസം അരലക്ഷം ലാഭവിഹിതവും വാഗ്ദാനം ചെയ്ത് 50 ലക്ഷം രൂപ വാങ്ങിയത്. എന്നാല്‍, ക്രഷര്‍ സര്‍ക്കാരില്‍ നിന്ന് പാട്ടത്തിന് ലഭിച്ച രണ്ടേക്കറോളം ഭൂമിയിലാണെന്നും ഇതിന്റെ പാട്ടക്കരാര്‍ മാത്രമാണ് അന്‍വറിന് കൈമാറിയതെന്നുമാണ് ഇബ്രാഹിമിന്റെ മൊഴി.

അന്വേഷണ ഉദ്യോഗസ്ഥനായ മലപ്പുറം ക്രൈംബ്രാഞ്ച് ഡിവൈഎസ്‍പി പി വിക്രമന്‍ മഞ്ചേരി  ചീഫ് ജുഡീഷ്യല്‍ മജിസ്ട്രേറ്റ് കോടതിയില്‍ സമര്‍പ്പിച്ച റിപ്പോര്‍ട്ടിലാണ് സുപ്രധാന വെളിപ്പെടുത്തല്‍. മംഗലാപുരം ബല്‍ത്തങ്ങാടി തൂലൂക്കിലെ തണ്ണീരുപന്ത പഞ്ചായത്തിലെ ക്രഷര്‍ പി വി അന്‍വറിന് വില്‍പന നടത്തിയ കാസര്‍ഗോട്ട് സ്വദേശി കെ. ഇബ്രാഹിമില്‍ നിന്നും 15ന് ഡിവൈഎസ്‍പി മൊഴി രേഖപ്പെടുത്തിയിരുന്നു.