\u0D38\u0D4D\u0D2A\u0D47\u0D38\u0D3F\u0D32\u0D47\u0D2F\u0D4D\u0D15\u0D4D\u0D15\u0D4D \u0D15\u0D41\u0D24\u0D3F\u0D1A\u0D4D\u0D1A\u0D41\u0D2F\u0D30\u0D4D‍\u0D28\u0D4D\u0D28\u0D4D \u0D35\u0D3F\u0D32\u0D4D\u0D2F\u0D02 \u0D37\u0D3E\u0D1F\u0D4D\u0D28\u0D7C; \u0D2C\u0D39\u0D3F\u0D30\u0D3E\u0D15\u0D3E\u0D36\u0D24\u0D4D\u0D24\u0D4D \u0D0E\u0D24\u0D4D\u0D24\u0D41\u0D28\u0D4D\u0D28 \u0D2A\u0D4D\u0D30\u0D3E\u0D2F\u0D02 \u0D15\u0D42\u0D1F\u0D3F\u0D2F \u0D35\u0D4D\u0D2F\u0D15\u0D4D\u0D24\u0D3F

  1. Home
  2. MORE NEWS

സ്പേസിലേയ്ക്ക് കുതിച്ചുയര്‍ന്ന് വില്യം ഷാട്നർ; ബഹിരാകാശത്ത് എത്തുന്ന പ്രായം കൂടിയ വ്യക്തി

രണ്ട് ദിവസത്തെ ചെറിയ പരിശീലനത്തിനു ശേഷമായിരുന്നു നാലു സഞ്ചാരികളും ഇന്നലെ ബഹിരാകാശത്തേയ്ക്ക് പറന്നുയര്‍ന്നത്. എന്നാൽ ന്യൂ ഷെഫേഡ് എന്ന പേടകത്തിനുള്ളിൽ സഞ്ചാരികള്‍ക്ക് പ്രത്യേകിച്ച് ഒന്നും ചെയ്യേണ്ടതായില്ല. പൂര്‍ണമായും ഓട്ടോമാറ്റിക് ആയാണ് ഇതിൻ്റെ പ്രവര്‍ത്തനം. ഷാട്നര്‍ക്കൊപ്പം ബ്ലൂ ഒറിജിൻ വൈസ് പ്രസിഡൻ്റ് ഓഡ്രേ പവേഴ്സ്, പ്ലാനറ്റ് ഇമേജിങ് സാറ്റലൈറ്റ് കമ്പനി സഹസ്ഥാപകൻ ക്രിസ് ബോഷിസൻ, ഫ്ര‍ഞ്ച് കമ്പനിയായ ഡസോ സിസ്റ്റംസിൻറെ ഉദ്യോഗസ്ഥനായ ഗ്ലെൻ ഡി റൈസ് എന്നിവരാണ് ഉണ്ടായിരുന്നത്.


ഓസ്റ്റിൻ: ബഹിരാകാശത്ത് എത്തുന്ന പ്രായമേറിയ വ്യക്തിയായി ഹോളിവുഡ് നടൻ വില്യം ഷാട്നര്‍. 90-ാം വയസിലാണ് വില്യം ഷാട്നര്‍ ബ്ലൂ ഒറിജിൻ പേടകത്തിലേറി ബഹിരാകാശത്ത് എത്തുന്നത്. വൻവിജയമായ സ്റ്റാര്‍ ട്രക്ക് ചിത്രങ്ങളിൽ ക്യാപ്റ്രൻ ജെയിം ടികിര്‍കിനെ അവതരിപ്പിച്ച നടൻ യഥാര്‍ഥ ജീവിതത്തിലും ബഹിരാകാശത്ത് എത്തിയതോടെ അത് ചരിത്രത്തിലെ കാവ്യനീതിയായി. ടെക്സസിലെ മരുഭൂമിയിൽ പ്രത്യേകം സജ്ജീകരിച്ച വിക്ഷേപണത്തറയിൽ നിന്ന് മറ്റു മൂന്നു പേര്‍ക്കൊപ്പമാണ് വില്യം ഷാട്നര്‍ ബഹിരാകാശത്തേയ്ക്ക് പറന്നുയര്‍ന്നത്. ആമസോൺ സ്ഥാപകനായ ജെഫ് ബെസോസ് നേതൃത്വം നല്‍കുന്ന ബഹിരാകാശ ടൂറിസം കമ്പനിയുടെ പേടകമാണ് ബ്ലൂ ഒറിജിൻ. പത്ത് മിനിട്ടോളം നീളുന്ന ബഹിരാകാശ യാത്രയ്ക്കു ശേഷം വില്യം ഷാട്നര്‍ അടക്കമുള്ളവര്‍ ഭൂമിയിൽ തിരിച്ചിറങ്ങി. പ്രാദേശിക സമയം രാവിലെ 10 മണിയോടെയാണ് സംഘം ഭൂമിയിൽ തിരിച്ചെത്തിയത്.
സമുദ്രനിരപ്പിൽ നിന്ന് 100 കിലോമീറ്റര്‍ ഉയരം വരെയാണ് നാലു സഞ്ചാരികളുമായി പേടകം പറന്നുയര്‍ന്നത്. റോക്കറ്റിനു സമാനമായ സാങ്കേതിക വിദ്യ ഉപയോഗിച്ച് പറന്നുയര്‍ന്നു പരമാവധി ഉയരത്തിൽ എത്തിയ ശേഷം യാത്രക്കാര്‍ ഇരിക്കുന്ന ക്യാപ്സ്യൂള്‍ വിക്ഷേപണവാഹനത്തിൽ നിന്ന് വേര്‍പെടുത്തും. ഇതിനു ശേഷം സഞ്ചാരികള്‍ക്ക് ഏതാനും സമയം ബഹിരാകാശത്തെ ഗുരുത്വാകര്‍ഷണമില്ലാത്ത അവസ്ഥ അനുഭവിക്കാം. ക്യാപ്സ്യൂളിൻ്റെ ജനലുകളിലടെ കാഴ്ചകളും കാണാം. ഇത്രയും ഉയരത്തിൽ നിന്നു നോക്കുമ്പോള്‍ ഭൂഗോളത്തിൻ്റെ വളവ് ഉള്‍പ്പെടെ കൃത്യമായി കാണാൻ സാധിക്കും. ലോകത്ത് എല്ലാവരും ഈ കാഴ്ച കാണണം" കനേഡിയൻ പൗരമായ ഷാട്നര്‍ യാത്രയ്ക്കു ശേഷം തിരിച്ചിറങ്ങിയതിനു പിന്നാലെ പറഞ്ഞു. അനുഭവം അവിശ്വസനീയമായിരുന്നുവെന്നും അദ്ദേഹം ആമസോൺ സ്ഥാപകനായ ജെഫ് ബെസോസിനോടു പറഞ്ഞു. വികാരനിര്‍ഭരനായായിരുന്നു ഷാര്‍ട്നറുടെ പ്രതികരണം. "വളരെ മഹത്തായ ഒരു അനുഭവമാണ് നിങ്ങള്‍ എനിക്കു നൽകിയത്. ഇപ്പോള്‍ നടന്ന കാര്യത്തിൽ ഞാൻ ഏറെ വികാരനിര്‍ഭരനാണ്. ഇത് ഒരിക്കലും മനസ്സിൽ നിന്ന് പോകാതിരുന്നെങ്കിൽ എന്നാണ് ഞാൻ ആഗ്രഹിക്കുന്നത്. ഇപ്പോള്‍ എനിക്ക് തോന്നുന്നത് അതേപടി നിലനിന്നിരുന്നെങ്കിൽ എന്നാണ് എൻ്റെ ആഗ്രഹം. ഇത് നഷ്ടപ്പെടുത്തി കളയാൻ ഞാൻ ആഗ്രഹിക്കുന്നില്ല." ഷാട്നര്‍ പറഞ്ഞു. രണ്ട് ദിവസത്തെ ചെറിയ പരിശീലനത്തിനു ശേഷമായിരുന്നു നാലു സഞ്ചാരികളും ഇന്നലെ ബഹിരാകാശത്തേയ്ക്ക് പറന്നുയര്‍ന്നത്. എന്നാൽ ന്യൂ ഷെഫേഡ് എന്ന പേടകത്തിനുള്ളിൽ സഞ്ചാരികള്‍ക്ക് പ്രത്യേകിച്ച് ഒന്നും ചെയ്യേണ്ടതായില്ല. പൂര്‍ണമായും ഓട്ടോമാറ്റിക് ആയാണ് ഇതിൻ്റെ പ്രവര്‍ത്തനം. ഷാട്നര്‍ക്കൊപ്പം ബ്ലൂ ഒറിജിൻ വൈസ് പ്രസിഡൻ്റ് ഓഡ്രേ പവേഴ്സ്, പ്ലാനറ്റ് ഇമേജിങ് സാറ്റലൈറ്റ് കമ്പനി സഹസ്ഥാപകൻ ക്രിസ് ബോഷിസൻ, ഫ്ര‍ഞ്ച് കമ്പനിയായ ഡസോ സിസ്റ്റംസിൻറെ ഉദ്യോഗസ്ഥനായ ഗ്ലെൻ ഡി റൈസ് എന്നിവരാണ് ഉണ്ടായിരുന്നത്.