\u0D0E\u0D7B\u0D2B\u0D4B\u0D34\u0D4D‌\u0D38\u0D4D‌\u0D2E\u0D46\u0D28\u0D4D\u0D31\u0D4D \u0D21\u0D2F\u0D15\u0D4D\u0D1F\u0D31\u0D47\u0D31\u0D4D\u0D31\u0D4D (\u0D07\u0D21\u0D3F) \u0D1C\u0D4B\u0D2F\u0D3F\u0D28\u0D4D\u0D31\u0D4D \u0D21\u0D2F\u0D31\u0D15\u0D4D\u0D1F\u0D7C \u0D30\u0D3E\u0D1C\u0D47\u0D36\u0D4D\u0D35\u0D7C \u0D38\u0D3F\u0D19\u0D4D \u0D1C\u0D4B\u0D32\u0D3F \u0D30\u0D3E\u0D1C\u0D3F\u0D35\u0D1A\u0D4D\u0D1A\u0D4D \u0D2C\u0D3F\u0D1C\u0D46\u0D2A\u0D3F \u0D38\u0D4D\u0D25\u0D3E\u0D28\u0D3E\u0D7C\u0D24\u0D4D\u0D25\u0D3F\u0D2F\u0D3E\u0D15\u0D41\u0D28\u0D4D\u0D28\u0D41.

  1. Home
  2. NATIONAL NEWS

എൻഫോഴ്‌സ്‌മെന്റ് ഡയക്ടറേറ്റ് (ഇഡി) ജോയിന്റ് ഡയറക്ടർ രാജേശ്വർ സിങ് ജോലി രാജിവച്ച് ബിജെപി സ്ഥാനാർത്ഥിയാകുന്നു.

രാജേശ്വർ സിങ്


ഉത്തർപ്രദേശിൽ തെരഞ്ഞെടുപ്പ് പ്രഖ്യാപിച്ചതിന് പിന്നാലെ എൻഫോഴ്‌സ്‌മെന്റ് ഡയക്ടറേറ്റ് (ഇഡി) ജോയിന്റ് ഡയറക്ടർ രാജേശ്വർ സിങ് ജോലി രാജിവച്ചു. ഇദ്ദേഹം ബിജെപിക്ക് വേണ്ടി സാഹിയാബാദ് മണ്ഡലത്തിൽ നിന്ന് മത്സരിക്കുമെന്നാണ് കരുതുന്നത്. നേരത്തെ തന്നെ ഇദ്ദേഹം ബിജെപിയിൽ ചേരുമെന്ന് അഭ്യൂഹമുണ്ടായിരുന്നെങ്കിലും ഇപ്പോഴാണ് സംഭവത്തിൽ ഒരു സ്ഥിരീകരണം വന്നിരിക്കുന്നത്.

മികച്ച കുറ്റാന്വേഷകനായി പേരുകേട്ട രാജേശ്വർ സിങ് രാജ്യത്തെ പ്രശസ്തമായ നിരവധി അഴിമതി കേസുകളുടെ അന്വേഷണത്തിന്റെ ഭാഗമായിരുന്നു. എയർസെൽ-മാക്‌സിസ് കേസ്, 2ജി സ്‌പെക്ട്രം കേസ്, കൽക്കരി അഴിമതി, കോമൺവെൽത്ത് ഗെയിംസ് അഴിമതി കേസ്, അഗസ്ത വെസ്റ്റാലാൻഡ് അഴിമതി കേസ്- എന്നീ പ്രമാദമായ കേസ് അന്വേഷണത്തിന്റെ ഭാഗമായിരുന്നു രാജേശ്വർ സിങ്.