സ്വകാര്യ ബസ് മേഖലയിലെ നാളെ മുതൽ ആരംഭിക്കാനിരുന്ന സമരം താൽക്കാലികമായി മാറ്റിവെച്ചു. സ്വകാര്യ ബസ് മേഖലയെ സംരക്ഷിക്കുന്നതിനാവശ്യമായ എല്ലാ തീരുമാനങ്ങളും നടപ്പിലാക്കാമെന്ന് ഗതാഗതമന്ത്രി ഉറപ്പ് നൽകിയതിനെ തുടർന്നാണ് സമരം മാറ്റിവെക്കാൻ തീരുമാനമായത്.
സമരത്തിന്റെ ഭാഗമായി ഗതാഗതമന്ത്രി വിളിച്ചുചേർത്ത യോഗത്തിൽ കോ-ഓർഡിനേഷൻ കമ്മിറ്റി അംഗങ്ങളായ ഗോപിനാഥൻ, ഗോകുൽദാസ് എന്നിവരുൾപ്പെടെയുള്ള നേതാക്കൾ പങ്കെടുത്തു.
സ്വകാര്യ ബസ് മേഖലയുമായി ബന്ധപ്പെട്ട പ്രധാന ആവശ്യങ്ങളിൽ അനുകൂലമായ നടപടികൾ സ്വീകരിക്കാമെന്ന മന്ത്രിയുടെ ഉറപ്പിന്റെ അടിസ്ഥാനത്തിലാണ് നിലവിൽ സമരം മാറ്റിവെച്ചിരിക്കുന്നതെന്ന് ബന്ധപ്പെട്ടവർ അറിയിച്ചു.