പാലക്കാട്: യങ് ഡെമോക്രാറ്റ്സ് പാലക്കാട് മണ്ഡലം കമ്മിറ്റി രൂപീകരണത്തിന്റെ ഭാഗമായി പാലക്കാട് മണ്ഡലം കമ്മിറ്റി യോഗം ചേർന്നു. മണ്ഡലം രൂപീകരണവുമായി ബന്ധപ്പെട്ട് നടന്ന നിർണായക കൂടിയാലോചന യോഗത്തിൽ സംഘടനയുടെ പ്രവർത്തനങ്ങൾ ശക്തിപ്പെടുത്തുന്നതിനും യുവാക്കളെ കൂടുതൽ സജീവമായി രംഗത്തിറക്കുന്നതിനുമുള്ള വിവിധ പദ്ധതികൾ സംബന്ധിച്ച് ചർച്ച നടന്നു.
പാലക്കാട് മണ്ഡലം സെക്രട്ടറി അബ്ദുൽ ഖാദർ കൽമണ്ഡപം യോഗത്തിൽ സ്വാഗതം പറഞ്ഞു. എസ്.ഡി.പി.ഐ പാലക്കാട് ജില്ലാ പ്രസിഡന്റ് ഷരീഫ് പട്ടാമ്പി, യങ് ഡെമോക്രാറ്റ്സ് ജില്ലാ കൺവീനർ ഇബ്രാഹീം ആറങ്ങോട്ടുകര, ജില്ലാ ജോയിൻ കൺവീനറും പാലക്കാട് മണ്ഡലം ഇൻചാർജുമായ നസീഹ് മണ്ണാർക്കാട്, ജില്ലാ കമ്മിറ്റി അംഗം സൽമാൻ, യങ് ഡെമോക്രാറ്റ്സ് പാലക്കാട് മണ്ഡലം പാർട്ടി ഇൻചാർജ് കാജാ ഹുസൈൻ എന്നിവർ യോഗത്തിൽ പങ്കെടുത്തു.
യങ് ഡെമോക്രാറ്റ്സ് പാലക്കാട് മണ്ഡലം രൂപീകരണവുമായി ബന്ധപ്പെട്ട് സംഘടിപ്പിക്കേണ്ട പരിപാടിയുടെ പ്രോഗ്രാം കമ്മിറ്റിയും മണ്ഡലം ഭാരവാഹികളുടെ നിർദേശവും യോഗത്തിൽ ചർച്ച ചെയ്ത് തീരുമാനിച്ചു. മണ്ഡലം രൂപീകരണ പരിപാടി സെപ്റ്റംബർ 13ന് സംഘടിപ്പിക്കാനും പരിപാടി വിപുലവും ഉജ്വലവുമായ രീതിയിൽ നടത്താനും എസ്.ഡി.പി.ഐ പാലക്കാട് മണ്ഡലം കമ്മിറ്റി തീരുമാനിച്ചു.
സെപ്റ്റംബർ 4ന് വൈകിട്ട് 3 മണിക്ക് പാലക്കാട് ജില്ലാ കമ്മിറ്റി ഓഫീസിലായിരുന്നു രൂപീകരണവുമായി ബന്ധപ്പെട്ട കൂടിയാലോചന യോഗം. ജില്ലാ ഭാരവാഹികളുടെ നേതൃത്വത്തിൽ മണ്ഡലം രൂപീകരണത്തിന്റെ വിവിധ ഘട്ടങ്ങൾ, പ്രവർത്തന രൂപരേഖ, ഭാരവാഹികളുടെ നിർദേശം, തുടർ പ്രവർത്തനങ്ങൾ എന്നിവ യോഗത്തിൽ ചർച്ച ചെയ്തു.
യുവാക്കളുടെ സാമൂഹികവും രാഷ്ട്രീയവുമായ ഇടപെടലുകൾ കൂടുതൽ ശക്തിപ്പെടുത്തുന്നതിനും ജനകീയ വിഷയങ്ങളിൽ യുവജന പങ്കാളിത്തം വർധിപ്പിക്കുന്നതിനും യങ് ഡെമോക്രാറ്റ്സ് മണ്ഡലം കമ്മിറ്റി രൂപീകരണത്തിലൂടെ ലക്ഷ്യമിടുന്നതായി ഭാരവാഹികൾ അറിയിച്ചു.
സെപ്റ്റംബർ 13ന് നടക്കുന്ന മണ്ഡലം രൂപീകരണ പരിപാടിയിൽ കൂടുതൽ യുവജനങ്ങളെ പങ്കെടുപ്പിച്ച് വിപുലമായ പരിപാടി സംഘടിപ്പിക്കാനാണ് തീരുമാനം. മണ്ഡലം തലത്തിലെ പ്രവർത്തനങ്ങൾക്ക് ശക്തമായ അടിത്തറ ഒരുക്കുന്നതിനുള്ള തുടർ പ്രവർത്തനങ്ങൾ ഇതിന്റെ ഭാഗമായി ആരംഭിക്കും.
ജില്ലാ മീഡിയ ഇൻ ചാർജ് സൽമാൻ +91 96058 02414