ചെർപ്പുളശ്ശേരി. വാഹന ഉടമകളുടെയും, ഡ്രൈവർമാരുടെയും പൊതുജനങ്ങളുടെയും നിരന്തരമായ പരാതിക്ക് അറുതി വരുത്തി കൊണ്ട് ഒറ്റപ്പാലം ചേർപ്പുളശ്ശേരി റോഡ് ടാറിങ് ധൃതഗതിയിൽ പുരോഗമിക്കുകയാണ്. ഏറെ നാളായി ഈ റോഡ് ഗതാഗത യോഗ്യമല്ലാതെ വലിയ പ്രശ്നങ്ങളാണ് നേരിട്ടിരുന്നത്. എംഎൽഎമാരായ പി മമ്മി കുട്ടിയുടെയും, അഡ്വക്കേറ്റ് പ്രേംകുമാറിന്റെയും നിരന്തരമായ ഇടപെടലുകളിലൂടെ റോഡ് പണി ധൃതഗതിയിൽ നടക്കുകയാണ്. BM & ബിസി നിലവാരത്തിൽ മികച്ച നിലയിൽ തന്നെയാണ് റോഡിന്റെ പണി പുരോഗമിക്കുന്നത്. മഴ കടുത്തില്ലെങ്കിൽ ഏതാനും ദിവസങ്ങൾക്കുള്ളിൽ തന്നെ മികച്ച റോഡ് ആയി ഇത് മാറ്റാൻ കഴിയും എന്നാണ് പിഡബ്ല്യുഡി അധികാരികൾ പറയുന്നത്.
