സൂര്യാഘാതം ശ്രദ്ധിക്കേണ്ട കാര്യങ്ങൾ

പാലക്കാട്. ജില്ലയിൽ ചൂട് കൂടി വരുന്ന സാഹചര്യത്തിൽ സൂര്യാഘാതം സുര്യാതാപം, നിർജലീകരണം തുടങ്ങിയ ആരോഗ്യ പ്രശ്നങ്ങൾക്ക് സാധ്യ തയുള്ളതിനാൽ ജാഗ്രത പുലർത്തണമെന്ന് ജില്ലാ മെഡിക്കൽ ഓഫീസർ (ആരോഗ്യം)ഡോ. റോഷ് ടി.വി അറിയിച്ചു. പകൽ സമയത്ത് തെരഞ്ഞെടുപ്പ് പ്രചാരണം ഉൾ പ്പെടെയുള്ള പ്രവർത്തനത്തിൽ ഏർപ്പെടുമ്പോൾ നേരിട്ടുള്ള സൂര്യപ്രകാശം ഏൽക്കാനും സൂര്യാ ഘാതം പോലുള്ള ആരോഗ്യ പ്രശ്നങ്ങൾ ഉണ്ടാകാനും ഇടയുണ്ട്. നേരിട്ട് സൂര്യപ്രകാശം ഏൽക്കാതെ ആവശ്യത്തിന് വായു സഞ്ചാരമുള്ള സ്ഥലത്ത് യോഗം നടത്തുവാൻ ശ്രദ്ധിക്കണം. യോഗം നടക്കുന്ന ഇടങ്ങളിൽ

ശുദ്ധമായ കുടിവെള്ളം ഉറപ്പാക്കണം. തുറസായ സ്ഥലത്ത് യോഗങ്ങളിൽ പങ്കെടുക്കുന്നവർ കുടയോ തൊപ്പിയോ ഉപയോ ഗിക്കണം. വയോജനങ്ങളും ഗുരുതര രോഗമുള്ളവരും പ്രത്യേകം ശ്രദ്ധിക്കണം. തെരഞ്ഞെടു പ്പ് പ്രചാരണ പരിപാടിയിൽ പങ്കെടുക്കുന്ന പ്രവർത്തകരും ഉദ്യോഗസ്ഥരും ഇടയ്ക്കിടെ വെള്ളം കുടിക്കണം. സമ്മേളനങ്ങളിൽ പങ്കെടുക്കുന്നവർക്ക് ശുദ്ധജലവും തണലും ഉറപ്പാക്കണം. കുടിക്കുവാനായി തിളപ്പിച്ചാറിയ വെള്ളം മാ ത്രം ഉപയോഗിക്കണം. നിർജ്ജലീകരണം തടയാൻ ഉപ്പിട്ട നാരങ്ങാവെള്ളം, കഞ്ഞിവെള്ളം, കരിക്കിൻ വെള്ളം, സംഭാരം എന്നിവ കുടിക്കണം. ചായ, കാപ്പി, കാർബണേറ്റഡ് ലഘു പാനീയം എന്നിവ പകൽ സമയത്ത് ഒഴിവാക്കണം. പഴങ്ങളും പച്ചക്കറികളും ധാരാളം കഴിക്കണം. ഇളം നിറ ത്തിൽ അയഞ്ഞ കോട്ടൺ വസ്ത്രവും തൊപ്പിയോ കുടയോ ഉപ യോഗിക്കണം. പകൽ 11 മുതൽ വൈകിട്ട് മൂന്നു വരെ പരമാവധി സമ്മേളനം ഒഴിവാക്കണം. രക്ത സമ്മർദ്ദം, പ്രമേഹം തുടങ്ങിയ രോഗം ഉള്ളവർ കൃത്യമായി പരിശോധന നടത്തി ഡോക്ടറുടെ നിർദേശ പ്രകാരം സ്ഥിരമായി കഴിക്കുന്ന മരുന്ന് കഴിക്കണം. അമിതമായ ക്ഷിണം, തലകറ ക്കം, പേശി വലിവ്, ശരീരത്തിൽ ചുവന്ന പാട് എന്നിവ കണ്ടാൽ ഉടൻ ആശുപത്രിയിലെത്തി ചികിത്സ തേടണം.