പാലക്കാട്: പാലക്കാടിന്റെ ആഘോഷപ്പൊലിമയായ പുത്തൂർ ശ്രീ തിരുപുരയ്ക്കൽ ഭഗവതി ക്ഷേത്രത്തിലെ കൂത്തഭിഷേകം താലപ്പൊലി വേല ഇന്ന് (വെള്ളിയാഴ്ച) ആഘോഷിക്കും. കൊടിയേറ്റത്തോടെ തുടങ്ങിയ ഉത്സവത്തിന്റെ സമാപന ദിവസമായ ഇന്ന് നാടും നഗരവും ഭക്തിസാന്ദ്രമായ ചടങ്ങുകൾക്ക് സാക്ഷ്യം വഹിക്കും.
ഇന്ന് രാവിലെ 9-ന് കാഴ്ചശിവേലി നടന്നു. വൈകിട്ട് 4 മണിയോടെ പകൽവേല ആരംഭിക്കും. വേലയുടെ പ്രധാന ആകർഷണങ്ങളിൽ ഒന്നായ കുടമാറ്റം വൈകിട്ട് 5:30-ന് നടക്കും.
പ്രധാന ചടങ്ങുകൾ:വൈകിട്ട് 4:00: പകൽവേലയുടെ തുടക്കം.
വൈകിട്ട് 5:30: വർണ്ണാഭമായ കുടമാറ്റം.
രാത്രി 7:30: രാത്രിവേലയുടെ ആരംഭം.
രാത്രി 10:30: വേല കാവുകയറും.
രാത്രി 11:30: ഇരട്ടത്തായമ്പക.ശനി പുലർച്ചെ 1:30: കേളികൊട്ട്, കൊമ്പ് – കുഴൽപ്പറ്റ്.പുലർച്ചെ 3:00: താലപ്പൊലി എഴുന്നള്ളത്ത്.
ശനി രാവിലെ 8:00: ഈടുവെടിയോടെ വേല കൊടിയിറങ്ങും.ഇന്നലെ (വ്യാഴാഴ്ച) നടന്ന ശോധനവേലയിൽ പഞ്ചവാദ്യം, കാഴ്ചശിവേലി, എഴുന്നള്ളത്ത് എന്നിവ ഭക്തിനിർഭരമായി നടന്നു. താലപ്പൊലി പ്രമാണിച്ച് ക്ഷേത്ര പരിസരത്തും നഗരത്തിലും കനത്ത സുരക്ഷാ ക്രമീകരണങ്ങളാണ് ഏർപ്പെടുത്തിയിരിക്കുന്നത്. നിരവധി ഭക്തജങ്ങളാണ് ദേവിയെ തൊഴുത് അനുഗ്രഹം വാങ്ങാൻ ക്ഷേത്രത്തിലേക്ക് എത്തിക്കൊണ്ടിരിക്കുന്നത്.