വേങ്ങശ്ശേരി: വേങ്ങശ്ശേരി എൻ.എസ്.എസ്. ഹൈസ്കൂളിൽ സാമൂഹ്യശാസ്ത്ര ക്ലബ്ബിന്റെ ആഭിമുഖ്യത്തിൽ ഹിരോഷിമ – നാഗസാക്കി ദിനാചരണം വിപുലമായ പരിപാടികളോടെ സംഘടിപ്പിച്ചു. പരിപാടിയുടെ ഉദ്ഘാടനം അമ്പലപ്പാറ ഗ്രാമപഞ്ചായത്ത് അംഗം ഇ. രമേഷ് നിർവ്വഹിച്ചു. സ്കൂൾ പ്രധാനാധ്യാപകൻ എം. ശശികുമാർ ചടങ്ങിൽ അധ്യക്ഷത വഹിച്ചു.
യുദ്ധത്തിന്റെ ഭീകരതയും ഹിരോഷിമ-നാഗസാക്കി ദുരന്തത്തിന്റെ ചരിത്രപ്രാധാന്യവും ഓർമ്മിപ്പിച്ച ചടങ്ങിൽ ലോകസമാധാനത്തിന്റെ ആവശ്യകത ഊന്നിപ്പറഞ്ഞുകൊണ്ട് എസ്. ശിവരഞ്ജൻ, പി. ദേവിക എന്നിവർ സംസാരിച്ചു.
വിദ്യാർത്ഥികളായ കെ.ആർ. ആദിത്യ, കെ. വൈഗ, കെ.ആർ. ആരഭിപ്രകാശ് എന്നിവരുടെ കവിതാലാപനവും ദിനാചരണത്തിന് മാറ്റുകൂട്ടി. തുടർന്ന് വിദ്യാർത്ഥികൾ തയ്യാറാക്കിയ പോസ്റ്റർ പ്രദർശനവും ഹിരോഷിമ ദിനവുമായി ബന്ധപ്പെട്ട പ്രത്യേക നൃത്താവിഷ്കാരവും അരങ്ങേറി.
സാമൂഹ്യശാസ്ത്ര ക്ലബ്ബ് കൺവീനർ കെ. മുരളീകൃഷ്ണൻ ചടങ്ങിൽ സ്വാഗതവും പി. ഹർഷ നന്ദിയും രേഖപ്പെടുത്തി.