അടക്കാപുത്തൂർ: ശബരി പി.ടി.ബി. സ്മാരക ഹയർ സെക്കൻഡറി സ്കൂളിൽ ഇന്ത്യയുടെ 80-ാം സ്വാതന്ത്ര്യദിനം വിവിധ പരിപാടികളോടെ സമുചിതമായി ആഘോഷിച്ചു.
സ്കൂൾ പ്രിൻസിപ്പൽ ടി. ഹരിദാസ് ദേശീയപതാക ഉയർത്തി. ഗ്രാമപഞ്ചായത്ത് അംഗം കെ.ടി. ഉണ്ണികൃഷ്ണൻ വിശിഷ്ടാതിഥിയായി പങ്കെടുത്തു.
രക്ഷാകർതൃ-അധ്യാപക സമിതി പ്രസിഡന്റ് കെ. ശിവകുമാർ, പ്രധാനാധ്യാപിക മൃദുല, ദേശീയ കേഡറ്റ് കോർ അംഗങ്ങൾ, ദേശീയ സേവന പദ്ധതി സന്നദ്ധ പ്രവർത്തകർ, അധ്യാപകർ, വിദ്യാർഥികൾ തുടങ്ങിയവർ സ്വാതന്ത്ര്യദിനാഘോഷത്തിൽ പങ്കെടുത്തു.ആഘോഷത്തിന്റെ ഭാഗമായി ദേശീയ കേഡറ്റ് കോർ അംഗങ്ങളുടെ മാർച്ച് പാസ്റ്റ്, ദേശഭക്തിഗാനാലാപനം തുടങ്ങിയ പരിപാടികൾ നടന്നു. തുടർന്ന് മധുരവിതരണവും നടത്തി.സ്റ്റാഫ് സെക്രട്ടറി കെ. റൈഹാൻ നന്ദി രേഖപ്പെടുത്തി.