ചെർപ്പുളശ്ശേരി: പ്രസിദ്ധമായ ചെർപ്പുളശ്ശേരി ശ്രീ പുത്തനാൽക്കൽ ഭഗവതി ക്ഷേത്രത്തിലെ 2027ലെ കാളവേലാഘോഷങ്ങളുടെ ഒരുക്കങ്ങൾ ആരംഭിക്കുന്നു. ആഘോഷങ്ങൾ വിപുലമായും ഭക്തിനിർഭരമായും സംഘടിപ്പിക്കുന്നതിനുള്ള മുന്നൊരുക്കങ്ങളുടെ ഭാഗമായി നവംബർ ഒന്നിന് ഞായറാഴ്ച വൈകുന്നേരം നാലിന് ക്ഷേത്രത്തിൽ പൊതുയോഗം ചേരും.
ക്ഷേത്രത്തിലെ ശ്രീദുർഗ ഓഡിറ്റോറിയത്തിലാണ് പൊതുയോഗം നടക്കുക. 2027ലെ കാളവേലാഘോഷങ്ങളുടെ നടത്തിപ്പിനായി പുതിയ ആഘോഷക്കമ്മിറ്റി രൂപീകരിക്കുന്നതും യോഗത്തിന്റെ പ്രധാന ലക്ഷ്യമാണ്.
ക്ഷേത്രവുമായി ബന്ധപ്പെട്ട നാട്ടുകാരുടെയും സുഹൃത്തുക്കളുടെയും മഹനീയ സാന്നിധ്യവും സഹകരണവും യോഗത്തിൽ ഉണ്ടാകണമെന്ന് ക്ഷേത്രം എക്സിക്യൂട്ടീവ് ഓഫീസർ കെ. മനോജ് കുമാർ അഭ്യർത്ഥിച്ചു.
അനുഗ്രഹ വിഷൻ ന്യൂസ് | ചെർപ്പുളശ്ശേരി