തിരുവനന്തപുരം: വാഴക്കുല തുലാഭാര വഴിപാടിനിടെ ത്രാസിന്റെ കയർ പൊട്ടിവീണ് കഴക്കൂട്ടം എം.എൽ.എ വി. മുരളീധരന് പരിക്ക്. വെങ്ങാനൂർ പൗർണമിക്കാവ് ദേവീക്ഷേത്രത്തിൽ ബുധനാഴ്ച രാത്രി എട്ടരയോടെയാണ് അപകടമുണ്ടായത്.
ക്ഷേത്രത്തിലെ പ്രധാന ദേവിക്ക് മുന്നിൽ വാഴക്കുല തുലാഭാരം നടത്തുന്നതിനിടെ പെട്ടെന്ന് ത്രാസിന്റെ കയർ പൊട്ടി എം.എൽ.എ ഇരുന്ന തട്ട് താഴേക്ക് പതിക്കുകയായിരുന്നു. അപകടത്തിൽ അദ്ദേഹത്തിന്റെ വലതുകാലിന് ചതവേറ്റിട്ടുണ്ട്.
ഉടൻ തന്നെ അദ്ദേഹത്തെ തിരുവനന്തപുരം ആനയറയിലെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമല്ലെന്നും പ്രാഥമിക ചികിത്സയ്ക്ക് ശേഷം വിശ്രമത്തിലാണെന്നും എം.എൽ.എയുടെ ഓഫീസ് അറിയിച്ചു.
തുലാഭാര ത്രാസിന്റെ കയർ പൊട്ടി വി. മുരളീധരന് പരിക്ക്; വെങ്ങാനൂർ പൗർണമിക്കാവ് ക്ഷേത്രത്തിൽ അപകടം